शिरोळ: कुंभोज येथे डॉल्बी बेंजो फटाके बाजूला ठेवत भक्तिरसात न्हालेली विसर्जन मिरवणूक खास आकर्षण ठरले

Shirol, Kolhapur | Sep 4, 2025

डॉल्बी,बेंजो आणि फटाक्यांच्या गोंगाटापासून दूर राहत, कुंभोज येथील विक्रमसिंह तरुण मंडळाने यंदाच्या गणेश विसर्जन मिरवणुकीत एक आगळीवेगळी आणि भक्तिभावाने परिपूर्ण परंपरा जपली.वारकरी संप्रदायाच्या पारंपरिक दिंडीच्या माध्यमातून मंडळाने आज गुरुवार दिनांक 4 सप्टेंबर रोजी सायंकाळी 5 वाजता आपल्या बाप्पाला निरोप दिला."गणपती बाप्पा मोरया"च्या जयघोषात, टाळ-मृदंगाच्या गजरात, अभंगगायन आणि पांडुरंगाच्या नामस्मरणात निघालेली ही भक्तिरसात न्हालेली मिरवणूक कुंभोज नगरीत भक्तिमय वातावरण निर्माण करून गेली.