शिरपूर: बसमध्ये चढतांना वृद्ध महिलेच्या हातातील 25 ग्रॅमची सोन्याची बांगडी लंपास,शिरपूर बस स्थानकावरची घटना,गुन्हा दाखल

Shirpur, Dhule | Aug 22, 2025

शहरातील बस स्थानकावर अज्ञात चोरट्यांनी 66 वर्षीय महिलेच्या हातातील 70 हजार रुपये किमतीची 25 ग्रॅम वजनाची सोन्याची बांगडी लंपास केल्याप्रकरणी अज्ञात चोरट्यांविरुद्ध 21 ऑगस्ट रोजी रात्री शहर पोलीस ठाण्यात गुन्हा नोंद करण्यात आला.सदर चोरीची घटना 21 ऑगस्ट 2025 रोजी सकाळी साडे 11 वाजेच्या सुमारास शिरपूर शहर बस स्थानकावर घडली आहे.एकाच ठिकाणी दोन वेगवेगळ्या दिवशी अज्ञात चोरट्यांनी महिलांना गंडविल्याच्या घटनेप्रकरणी शहर पोलीस ठाण्यात एकाच दिवशी 2 फिर्याद दाखल झाल्याने शहरात एकच खळबळ उडाली आहे.