राधानगरी: राधानगरी धरणाचा दरवाजा क्रमांक 3 स्वयंचलितरीत्या उघडला; नदीकाठच्या नागरिकांना सतर्कतेचा इशारा

Radhanagari, Kolhapur | Aug 28, 2025

गेल्या सहा दिवसांपासून विश्रांती घेतलेल्या पावसाने पुन्हा एकदा राधानगरी धरण क्षेत्रात हजेरी लावली आहे. परिणामी धरणाच्या पाणीसाठ्यात वाढ होत असून बुधवार दि. 27 ऑगस्ट रोजी रात्री 11 वाजून 5 मिनिटांनी राधानगरी धरणाचा स्वयंचलित दरवाजा क्रमांक 3 उघडण्यात आला आहे.सध्या धरणाचे एकूण सात स्वयंचलित दरवाजे असून त्यापैकी केवळ एक दरवाजा उघडलेला आहे. स्वयंचलित दरवाजा क्र. 3 मधून 1428 क्यूसेस इतका विसर्ग सुरू असून, त्यासोबतच BOT पॉवर हाऊस मधून आणखी 1500 क्यूसेस विसर्ग नदीपात्रात सुरू आहे.