ପଟ୍ଟାଙ୍ଗୀ: କେରଳ ଦାଦନ ଖଟିବାକୁ ଯାଇଥିବା ଘାସି ଖରା ରେଳ ଦୁର୍ଘଟଣାରେ ମୃତ, ନନ୍ଦପୁର ଥାନା ଦ୍ବାରସ୍ଥ ହେଲେ ପରିବାର ବର୍ଗ

Pottangi, Koraput | Aug 29, 2025

କେରଳ ଦାଦନ ଖଟିବାକୁ ଯାଇ ଜଣେ ଦାଦନ ଶ୍ରମିକ ରେଳ ଦୁର୍ଘଟଣାରେ ମୃତ୍ୟୁ ବରଣ କରିଥିବା ନେଇ ଥାନାରେ ଏତଲା ହୋଇଛି। ସୂଚନା ପ୍ରକାରେ ନନ୍ଦପୁର ଥାନା ଅଧିନସ୍ତ ଟିକରପଡ଼ା ପଞ୍ଚାୟତ ଅନ୍ତର୍ଗତ ଅର୍ଣା ଗ୍ରାମର ନିଧି ଖରା ଙ୍କ ପୁଅ ଘାସି ଖରା ଗତ ୨୧/୦୮/୨୦୨୫ ରେ ଦାଦନ ଖଟିବାକୁ କେରଳ ରାଜ୍ୟକୁ ଯାଇଥିଲେ। ସେଠାରେ ସେ ଦାଦନ ଶ୍ରମିକ ଭାବେ କାମ କରିଆସୁଥିଲେ, ହେଲେ ଗତ ୨୮/୦୮/୨୫ ଗୁରୁବାର ଦିନ କୌଣସି କାମରେ କେରଳର କୋଟାୟମ ଷ୍ଟେସନ ଆସିଥିଲେ। ସେଠାରେ ତାଙ୍କର ଦୁର୍ଘଟଣା ଜନିତ ମୃତ୍ୟୁ ଘଟିଥିବା ଲିଖିତ ଏତଲା ନେଇ ଶୁକ୍ରବାର ଦିନ ୨ଟା ସମୟରେ ନନ୍ଦପୁର ଥାନାର ଦ୍ବାରସ୍ଥ ହୋଇଛନ୍ତି ପରିବାର।