ఆత్మకూరు: ఉపాధి పనుల బకాయిలు విడుదల చేయాలని డిమాండ్ చేసిన వ్యవసాయ కార్మిక సంఘం నాయకులు

Atmakur, Sri Potti Sriramulu Nellore | Aug 31, 2025

నెల్లూరు జిల్లా, ఆత్మకూరు నియోజకవర్గం, అనంతసాగరం మండల వ్యవసాయ కార్మిక సంఘం మండల 3వ మహాసభ అనంతసాగరం అతిథి గృహం వద్ద ఆదివారం నిర్వహించారు. వ్యవసాయ కార్మిక సంఘం జిల్లా కార్యదర్శి మంగళ పుల్లయ్య మాట్లాడుతూ.. కేంద్రంలో ఉండే బీజేపీ ప్రభుత్వం ఉపాధి హామీ చట్టాన్ని నిర్వీర్యం చేయాలని కుట్రలు చేస్తుందని అన్నారు. ఉపాధి హామీ పనులు చేసిన కూలీలకు బకాయి డబ్బులు విడుదల చేయలేదన్నారు. వెంటనే కూలీల డబ్బులు విడుదల చేయాలని డిమాండ్ చేశారు. ఈ కార్యక్రమంలో వ్యవసాయ కార్మిక సంఘం నాయకులు, తదితరులు పాల్గొన్నారు.