જય જલારામ રેસ્ટોરન્ટ ના કાઉન્ટર માંથી રૂ 35 હજાર રોકડ અને બાઇકની ચોરી કરનાર કારીગર સામે ફરિયાદ નોંધાઇ

Patan City, Patan | Sep 12, 2025

પાટણ શહેરના નવાગંજ સામે હાઇવે પર આવેલી જય જલારામ રેસ્ટોરન્ટમાં ચોરીની ઘટના સામે આવી છે. રેસ્ટોરન્ટના કારીગરે કાઉન્ટરમાંથી રોકડ રકમ અને માલિકનું બાઈક લઈને ફરાર થઈ ગયો છે.13 જુલાઈના રોજ કાઉન્ટરમાંથી પૈસા ગાયબ થયા હતા. માલિકે સીસીટીવી ફૂટેજ ચેક કર્યા હતા. ફૂટેજમાં જોવા મળ્યું કે 15 દિવસ પહેલા જ નોકરીએ રાખેલો કારીગર સવારે 6:30થી 6:45 દરમિયાન કાઉન્ટરમાંથી 35,500 રૂપિયા રોકડા અને માલિકનું 35,000 રૂપિયાની કિંમતનું બાઈક લઈને ફરાર થઈ ગયો હતો.