धुळे: धुळे मनपा कामगार-कर्मचारी संघटना आक्रमक; आरोग्य कर्मचाऱ्यांच्या हक्कांसाठी जिल्हाधिकाऱ्यांना निवेदन

Dhule, Dhule | Aug 28, 2025

धुळे महानगरपालिका कामगार-कर्मचारी संघटनेने घंटागाडी व ट्रॅक्टरवरील आरोग्य कर्मचाऱ्यांच्या कायदेशीर हक्कांसाठी जिल्हाधिकाऱ्यांना निवेदन दिले. या कर्मचाऱ्यांना किमान वेतन, पीएफ, ईएसआयसी, ग्रॅच्युइटी आणि सुट्ट्या यांसारख्या लाभांपासून वंचित ठेवल्याचा आरोप करण्यात आला. पगार वेळेवर न मिळाल्याने आर्थिक अडचणी निर्माण होत असून, मनपा प्रशासन कायद्याची अंमलबजावणी करत नसल्याचा संघटनेचा दावा आहे. जिल्हाधिकाऱ्यांनी तातडीने हस्तक्षेप करावा, अशी मागणी करण्यात आली.