पालघर: राष्ट्रीय मार्गावर चिंचपाडा नजीक ट्रक उलटून नदीत कोसळला

Palghar, Palghar | Sep 12, 2025

मुंबई- अहमदाबाद राष्ट्रीय महामार्गावर मालवाहू ट्रकचा भीषण अपघात घडला आहे. भरधाव वेगातून जाणाऱ्या ट्रक चालकाचे ट्रकवरील नियंत्रण सुटले आणि ट्रक चिंचपाडा नजीक नदी पुलावरील कठड्याला धडकून नदीत कोसळून उलटला. या अपघातात चालक जखमी झाला असून घटनेची माहिती मिळाल्यानंतर पोलीस आणि स्थानिक घटनास्थळी दाखल झाले. चालकाला ट्रकमधून बाहेर काढून उपचारासाठी रुग्णालयात दाखल करण्यात आले. सुदैवाने यात जीवितहानी झालेली नाही, ट्रकचे मोठ्या प्रमाणात नुकसान झाले आहे.