Mahadevpur, Jaya Shankar Bhalupally | Aug 29, 2025
జయశంకర్ భూపాలపల్లి జిల్లా మహదేవపూర్ మండలంలో గోదావరి ఉగ్రరూపం దాల్చింది. ఎగువన ఎస్సారెస్పీ , ఎల్లంపల్లి నుంచి నీటి విడుదలతో గోదావరి గుండా భారీ వరద తరలి వస్తుంది. దీనితో గోదావరి పరుగులు పెడుతుంది. పరివాహక ప్రాంతాల్లోనీ అన్నారం,చండ్రుపల్లి, నాగేపల్లి, మద్దులపల్లి, పలుగుల,బలిజాపూర్, పూసుకుపల్లి, మహదేవపూర్ గ్రామాల్లో వాగులకు వరద నీరు కమ్మి పత్తి పంట చేనుల్లోకి వరద నీరు చేరింది. వందల ఎకరాల పత్తి పంట నీట మునిగింది. ఈ సీజన్ లో రెండోసారి పత్తి పంట నీట ముండడంతో రైతులు తీవ్రంగా నష్టపోయామని ఆందోళన చెందుతున్నారు. ప్రభుత్వం ఆదుకొని నష్టపరిహారం చెల్లించాలని రైతులు డిమాండ్ చేస్తున్నారు.