ગોધરા: શહેર સહિત જિલ્લામાં ગાજવીજ સાથે વરસાદી માહોલ છવાયો, વાતાવરણમાં ઠંડક પ્રસરી

Godhra, Panch Mahals | Sep 28, 2025

ગોધરા શહેર સહિત પંચમહાલ જિલ્લામાં આજે અચાનક ગાજવીજ સાથે ધોધમાર વરસાદ વરસતા શહેરના અનેક વિસ્તારોમાં પાણી ભરાવાની પરિસ્થિતિ ઊભી થઈ. સવારથી વાદળછાયું વાતાવરણ રહેતા ગરમીમાં રાહત મળી હતી, પરંતુ બપોર બાદ તીવ્ર વરસાદથી રસ્તાઓ પર પાણી ભરાઈ વાહનવ્યવહાર ખોરવાયો. ખાસ કરીને નીચાણવાળા વિસ્તારોમાં નાગરિકોને ભારે મુશ્કેલીનો સામનો કરવો પડ્યો. હવામાન વિભાગની આગાહી મુજબ મેઘરાજાના આગમનથી શહેરવાસીઓને ગરમીમાંથી રાહત મળી હતી.