ఖానాపూర్: నిర్మల్ జిల్లాలో కురుస్తున్న వర్షాలకు కడెం ప్రాజెక్టుకు పోటెత్తిన వరద ఉధృతి,6 గేట్లు ఎత్తి నీటిని వదులుతున్న అధికారులు

Khanapur, Nirmal | Aug 28, 2025

నిర్మల్ జిల్లా వ్యాప్తంగా కురుస్తున్న భారీ వర్షాలకు కడెం ప్రాజెక్టుకు వరద ఉధృతి కొనసాగుతోందని గురువారం ప్రాజెక్టు అధికారులు తెలిపారు.ఇన్ ఫ్లోగా ప్రాజెక్టు లోకి 24416 క్యూసెక్కుల వరదనీరు వచ్చి చేరుతుండటంతో ప్రాజెక్టు 6 గేట్లు ఎత్తి అవుట్ ప్లోగా 41679 క్యూసెక్కుల నీటిని గోదావరిలోకి వదులుతున్నారు. ప్రాజెక్టు పూర్తిస్థాయి నీటిమట్టం 700 అడుగులు 4.699 టీఎంసీలు కాగ ప్రస్తుత నీటి మట్టం 695.600 అడుగులు 3.645 టీఎంసీలలో ప్రాజెక్టు నీటి సామర్థ్యం కొనసాగుతుంది. కడెం ప్రాజెక్టు పరివాహక ప్రాంత ప్రజలు ప్రవాహ ప్రాంతాలకు వెళ్లకూడదని అధికారులు కోరారు.