കൊല്ലം: പ്രഭാത സവാരിക്ക് പോയ വയോധികൻ കുളത്തിൽ മരിച്ച നിലയിൽ, സംഭവം പരവൂരിൽ

Kollam, Kollam | Aug 25, 2025

വീടിന് സമീപത്തെ കുളത്തിൽ ഗൃഹനാഥനെ മരിച്ച നിലയിൽ കണ്ടെത്തി. കുറുമണ്ടൽ ഉഷസിൽ ആർ. പ്രഭാഷാണ് (71) മരിച്ചത്. പ്രഭാത സവാരിക്ക് ശേഷം വീട്ടിലെത്തിയ പ്രഭാഷ് വീടും കുളവും തമ്മിൽ അതിർത്തി തിരിക്കാൻ കെട്ടിയിരുന്ന വേലിയിൽ അറ്റകുറ്റപ്പണി നടത്തുന്നതിനിടയിൽ കാൽ വഴുതി വീണതാകാമെന്നാണ് നിഗമനം. പ്രഭാഷ് തിരികെയെത്താത്തതിനെ തുടർന്ന് നടത്തിയ അന്വേഷണത്തിൽ ഇയാളുടെ ചെരുപ്പ് കുളത്തിന്റെ കരയിൽ നിന്ന് കണ്ടെത്തി. പൊലീസും ഫയർഫോഴ്സും നടത്തിയ തെരച്ചിലിൽ ചെളിയിൽ താഴ്ന്ന നിലയിൽ കണ്ടെത്തുകയായിരുന്നു.