উত্তৰ লক্ষীমপুৰ: পশ্চিম তেলাহীৰ প্ৰায় ২২ খন গাঁৱৰ পথাৰত শুৰ পোকৰ তাণ্ডৱ, কৃষি পথাৰত কীটনাশক দ্ৰব্য যোগান ধৰাৰ আহ্বান কৃষকৰ

North Lakhimpur, Lakhimpur | Aug 11, 2025

লখিমপুৰত খৰাঙৰ পিছত এইবাৰ পশ্চিম তেলাহীত এতিয়া শুঁৰ পোকৰ তাণ্ডৱত দিকবিদিক হেৰুৱাইছে কৃষক ৰাইজে ৷নিশাটোৰ ভিতৰতে নিঃশেষ হৈছে শ শ বিঘা সেউজীয়া কৃষিপথাৰ।খৰাং পৰিস্থিতিৰ পিছত পশ্চিম তেলাহীৰ পথাৰত এতিয়া শুঁৰ পোকৰ সন্ত্ৰাস।শুঁৰ পোকৰ উপদ্ৰৱত ত্ৰাহি মধুসূদন সোৱঁৰিব লগা হৈছে পশ্চিম তেলাহীৰ কৃষক ৰাইজে। জিলাখনৰ অন্য প্ৰান্তৰ লগতে পশ্চিম তেলাহীৰ শালমৰা, গড়ছিগা, আজাৰগুৰি, আমতলা, বামুণগঞা, দোৱাৰপাৰ, গোপালপুৰ, জৈনপুৰ আদি কৰি ২২ খন গাঁৱৰ পথাৰত শুঁৰ পোকৰ এই তাণ্ডৱ।