കൊട്ടാരക്കര: കടയ്ക്കലിൽ വീട്ടിൽ അതിക്രമിച്ച് കയറി ആക്രമണം, പ്രതിക്ക് 15 വർഷം തടവ് ശിക്ഷ

Kottarakkara, Kollam | Aug 23, 2025

വീട്ടിൽ അതിക്രമിച്ച് കയറി അക്രമം നടത്തിയ പ്രതിക്ക് 15 വർഷം തടവും പിഴയും വിധിച്ചു. കടയ്ക്കൽ കോട്ടക്കൽ വില്ലേജിൽ ചെറുകുളം എന്ന സ്ഥലത്ത് സലിജ മൻസ്സിലിൽ സെയ്ഫുദ്ദീൻ (49 ) ആണ് കൊട്ടാരക്കര അസിസ്റ്റൻ്റ് സെഷൻസ് ജഡ്ജ് എ. ഷാനവാസ് 15 വർഷം തടവും പിഴയും ശിക്ഷ വിധിച്ചത്. 2018 ഫെബ്രുവരി 25 തീയതിയാണ് കേസിനാസ്പദമായ സംഭവം ഉണ്ടായത്. കുടുംബ വഴക്കിനെ തുടർന്നുണ്ടായ വൈരാ​ഗ്യമാണ് കാരണം. കോട്ടക്കൽ പത്തായക്കുഴി എന്ന സ്ഥലത്തുള്ള വീട്ടിൽ അതിക്രമിച്ചു കയറിയാണ് പ്രതി ആക്രമണം നടത്തിയത്.