ଦେବଗଡ: ରେଙ୍ଗାଲି ଗ୍ରାମରେ ସ୍ତ୍ରୀ ଦେହରେ କିରୋସିନ ଢାଳି ହତ୍ୟା ଘଟଣାରେ ସ୍ୱାମୀ ଗିରଫ ଓ କୋର୍ଟଚାଲାଣ

Debagarh, Debagarh (Deogarh) | Aug 1, 2025

ସ୍ତ୍ରୀ ଦେହରେ କିରୋସିନ ଢାଳି ନିଆଁ ଲଗାଇ ହତ୍ୟା ଘଟଣାରେ ହତ୍ୟାକାରୀ ସ୍ୱାମୀକୁ ଗିରଫ କରି କୋର୍ଟଚାଲାଣ କଲା ପୋଲିସ । ଏଥିସହ ଦେବଗଡ ଆରକ୍ଷୀ ଅଧିକ୍ଷକ ଅନିଲ କୁମାର ମିଶ୍ର ଆଜି ସନ୍ଧ୍ୟା ୬ ଟା ପର୍ଯ୍ୟନ୍ତ ଘଟଣାସ୍ଥଳରେ ତଦନ୍ତ କରିଛନ୍ତି । ଦେବଗଡ ଜିଲ୍ଲା ବାରକୋଟ ଥାନା ରେଙ୍ଗାଲି ଗ୍ରାମରେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ସେହି ଗ୍ରାମର ବିଜୟ ନାଏକ ତାଙ୍କ ସ୍ତ୍ରୀ ସବିତା ନାଏକ ଦେହରେ କିରୋସିନ ଢାଳି ନିଆଁ ଲଗାଇ ଦେଇଥିଲା । ଗତ ବୁଧବାର ସନ୍ଧ୍ୟାରେ ଏଭଳି ଏକ ଜଘନ୍ୟ କାଣ୍ଡ ଘଟିଥିବା ବେଳେ ସବିତାଙ୍କ ଶରୀର ପ୍ରାୟ ୯୦ ପ୍ରତିଶତ ପୋଡି ଯାଇଥିଲା ।