పెద్దవూర: నాగార్జునసాగర్ ప్రాజెక్టుకు కొనసాగుతున్న వరద నీరు 26 గేట్లను ఐదు అడుగుల మేర ఎత్తిన అధికారులు

Peddavoora, Nalgonda | Aug 29, 2025

నల్లగొండ జిల్లా నాగార్జునసాగర్ ప్రాజెక్టుకు వరద కొనసాగుతుందని ప్రాజెక్టు అధికారులు శుక్రవారం ఉదయం ఓ ప్రకటనలో తెలిపారు. ఈ సందర్భంగా డ్యాం పూర్తిస్థాయి నీటిమట్టం 590 అడుగులు కాగా ప్రస్తుతం 587.20 అడుగులుగా ఉందన్నారు. అధికారులు ప్రాజెక్టు 26 గేట్లను ఐదు అడుగుల మేర ఎత్తి దిగువకు నీటిని విడుదల చేశారు. ప్రస్తుతం ఇన్ఫ్లో 2,52,923 క్యూసెక్కులు, ఔట్ ఫ్లో 247404 క్యూసెక్కులుగా ఉందన్నారు. జల విద్యుత్ కేంద్రంలో విద్యుత్ ఉత్పత్తి కొనసాగుతున్నట్లు తెలిపారు.