चिखली: चोरीच्या गुन्ह्यातील आरोपीला चिखली पोलिसांनी केले 24 तासात अटक

Chikhli, Buldhana | Aug 27, 2025

चिखली शहर आठवडी बाजारात एका 83 वर्षीय वृद्धाची सोन्याची अंगठी लुटणाऱ्या गुन्हेगाराला चिखली पोलिसांनी अवघ्या 24 तासांत अटक केली. चिखली पोलिसांच्या या त्वरित कारवाईचे नागरिकांकडून कौतुक होत आहे.दगडू विठोबा सोळंकी (वय 83, रा. चांधाई, ता. चिखली, जि. बुलढाणा) यांना 25 ऑगस्ट 2025 रोजी बाजारात एका अनोळखी व्यक्तीने नातेवाईक असल्याचे भासवून त्यांच्या हातातील 5 ग्रॅम वजनाची, अंदाजे 30 हजार रुपये किमतीची सोन्याची अंगठी लुटली.