धुळे: कपाशीवर फवारणी जीवावर बेतली; न्याहाळोद येथील २२ वर्षीय तरुणाचा मृत्यू, सोनगीर पोलीस ठाण्यात नोंद

Dhule, Dhule | Aug 24, 2025

धुळे तालुक्यातील न्याहाळोद येथे कपाशीवर कीटकनाशक फवारणीनंतर प्रकृती बिघडल्याने २२ वर्षीय सुनील न्हानू भिल याचा उपचारादरम्यान मृत्यू झाला. २१ ऑगस्ट रोजी रोजंदारीवर फवारणीचे काम करून घरी आल्यानंतर त्याला अस्वस्थता जाणवली व कुटुंबीयांनी तातडीने धुळे येथील हिरे शासकीय वैद्यकीय महाविद्यालयात दाखल केले. मात्र, २२ ऑगस्ट रोजी सकाळी त्याचा मृत्यू झाला. या प्रकरणी सोनगीर पोलीस ठाण्यात अकस्मात मृत्यूची नोंद करण्यात आली असून तपास सुरू आहे.