ସୋର: ବରଫକଳ ଛକ ନିକଟରୁ ତିନୋଟି ବେଆଇନ ପଥର ବୋଝେଇ ଡମ୍ପରକୁ ଜବତ କଲେ ସୋର ତହସିଲଦାର

Soro, Balasore | Aug 28, 2025

ସୋର ପୌର ପାଳିକା ଅନ୍ତର୍ଗତ ବରଫକଳ ଛକ ନିକଟରୁ ତିନୋଟି ବେଆଇନ ପଥର ବୋଝେଇ ଡମ୍ପରକୁ ସୋର ତହସିଲଦାର ଜବତ କରି ସୋର ଥାନାରେ ଜିମାଦେଇଛନ୍ତି। ଆଜି ସନ୍ଧ୍ୟାରେ ସୋର ତହସିଲଦାର ଦୈତାରୀ ମଲ୍ଲିକ ବରଫକଳ ଛକ ନିକଟରେ ବାଗୁଡ଼ିରୁ ପଥର ବୋଝେଇ କରି ଆସୁଥିବା ଡମ୍ପର ଗୁଡିକର କାଗଜପତ୍ର ଯାଞ୍ଚ କରୁଥିଲେ।ଏହି ସମୟରେ ଓଡି ୦୧ଜେ ୧୪୬୨, ଓଡି ୦୧ଏଲ ୨୪୨୮ ଏବଂ ଓଡି ୦୧ ବି ବି ୪୭୭୨ନମ୍ବର ବିଶିଷ୍ଟ ଡମ୍ପର ଗୁଡିକ ବେଆଇନ ଭାବେ ପଥର ଚାଲାଣ କରୁଥିବା ଜାଣି ପାରି ତହସିଲଦାର ଶ୍ରୀ ମଲ୍ଲିକ ଗାଡି ଗୁଡିକୁ ଜବତ କରିଥିଲେ। ପରେ ଗାଡି ଗୁଡିକୁ ଖଣି ବିଭାଗ କୁ ହସ୍ତାନ୍ତର କରିଛନ୍ତି।