ଦେବଗଡ: ତିଲେଇବଣି ବ୍ଲକ ସଦର ମହକୁମାରେ କଂଗ୍ରେସ ପକ୍ଷରୁ ସଙ୍ଗଠନ ସୃଜନ ଅଭିଯାନ

Debagarh, Debagarh (Deogarh) | Sep 3, 2025

ଦେବଗଡ ଜିଲ୍ଲା କଂଗ୍ରେସ ପକ୍ଷରୁ ତିଲେଇବଣି ବ୍ଲକ ସଦର ମହକୁମାରେ ଆଜି ସଙ୍ଗଠନ ସୃଜନ ଅଭିଯାନ ଶୁଭାରମ୍ଭ ହୋଇଥିବା ବେଳେ ଦିନ ପ୍ରାୟ ୧ ପର୍ଯ୍ୟନ୍ତ ସ୍ଥାନୀୟ କଲ୍ୟାଣ ମଣ୍ଡପରେ ଏକ ସଭାର ଆୟୋଜନ କରାଯାଇଥିଲା । ଜିଲ୍ଲା କଂଗ୍ରେସ ସଂଯୋଜକ ସେମ୍ ହେମ୍ରମଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ଅଖିଳ ଭାରତୀୟ କଂଗ୍ରେସ କମିଟୀର ପ୍ରବକ୍ତା ଚରଣ ସିଂ ସାପ୍ରା, ରାଜଗାଙ୍ଗପୁର ବିଧାୟକ ଡକ୍ଟର ରାଜନ ଏକ୍କା, ବରିଷ୍ଠ କଂଗ୍ରେସ ନେତା ହଳଧର ସେଠୀ, ସୁବ୍ରତ ପ୍ରଧାନ ଓ ପ୍ରମୋଦ ଛୁରିଆ ପ୍ରମୁଖ ସାମିଲ ହୋଇ ସଙ୍ଗଠନ ସୃଜନ ଅଭିଯାନର ଉଦ୍ଦେଶ୍ୟ ଉପରେ ଆଲୋକପାତ କରିଥିଲେ ।