खेड: कातळआळी वाणीपेठेत घराला आग; जीवितहानी टळली

Khed, Ratnagiri | Sep 12, 2025

खेड तालुक्यातील कातळआळी, वाणीपेठ येथे आज दिनांक १२ सप्टेंबर २०२५ रोजी पहाटेच्या सुमारास लागलेल्या आगीत दोन मजली कौलारू घराचे मोठे नुकसान झाले. पहाटे अंदाजे ३:१५ वाजता ही घटना घडली. घरमालक श्री. किशोर चंद्रकांत विचारे यांच्या घरातील किचनमधील फ्रिज अचानक शॉर्टसर्किटमुळे जळाल्याने ही आग लागली असल्याची माहिती समोर आली आहे. आगीची तीव्रता वाढत असताना घरातील तीन भरलेले गॅस सिलेंडर सुरक्षितपणे बाहेर काढण्यात आल्याने मोठा अनर्थ टळला. विशेष म्हणजे या घटनेत कोणतीही जीवितहानी झाली नाही.