বিশ্বনাথ: কমলাকান্ত ক্ষেত্ৰত আজিৰে পৰা তিনিদিনীয়াকৈ ৰাষ্ট্ৰীয় ক্ৰীড়া দিৱসৰ আয়োজন, সাংসদ ৰঞ্জিত দত্তৰ অংশগ্ৰহণ

Biswanath, Biswanath | Aug 29, 2025

বিশ্বনাথ জিলা ক্ৰীড়া বিষয়া কাৰ্যালয়ৰ উদ্যোগত আজিৰে পৰা তিনিদিনীয়াকৈ বিশ্বনাথতো ৰাষ্ট্ৰীয় ক্ৰীড়া দিৱসৰ আয়োজন কৰা হৈছে । আজি বিয়লি বিশ্বনাথ চাৰিআলিৰ কমলাকান্ত ক্ষেত্ৰত ক্ৰীড়া দিৱসৰ কাৰ্যসূচীত অংশ ল'লে সাংসদ ৰঞ্জিত দত্ত, আয়ুক্ত সীমান্ত কুমাৰ দাস, অতিৰিক্ত আয়ুক্ত ৰাকেশ ডেকা, অতিৰিক্ত আৰক্ষী অধীক্ষক দেৱৰ্ষি চৌধুৰী প্ৰমুখ্যে শতাধিক ক্ৰীড়াপ্ৰেমী ৰাইজ ।ক্ৰীড়া দিৱসৰ লগত সংগতি ৰাখি ফুটবল, ভলীবল, ৰছী টনাকে ধৰি কেইবাটাও খেল অনুষ্ঠিত হয় ।