થરાદ: રામપુરા ગામના 24 વર્ષના યુવકનું રહસ્યમય મોત, ખેતરમાં ઝાડ પર લટકતી લાશ મળી

India | Sep 5, 2025

થરાદ તાલુકાના રામપુરા ગામમાં એક દુઃખદ ઘટના સામે આવી છે. 24 વર્ષના રમેશ હરસંગભાઈ પટેલની લાશ તેમના ખેતરમાં આવેલા ઝાડ પર લટકતી મળી આવી છે. બપોરે સાડા બારેક વાગ્યે રમેશભાઈ થરાદ જવાનું કહીને ઘરેથી નીકળ્યા હતા. રાત્રે ઘરે ન આવતા પરિવારે તેમને મિત્રોને ત્યાં ગયા હોવાનું માન્યું હતું. થરાદ પોલીસ ઘટનાસ્થળે પહોંચી હતી. પોલીસે મૃતદેહને થરાદની રેફરલ હોસ્પિટલમાં પોસ્ટમોર્ટમ માટે ખસેડ્યો છે. પરિવારજનોની ફરિયાદના આધારે તપાસ શરૂ કરવામાં આવી છે.