कोपरगाव: चासनळी येथे पती-पत्नी राहत्या घरात मृतावस्थेत, घटनेने खळबळ

Kopargaon, Ahmednagar | Aug 22, 2025

चासनळी गावात आज दिनांक २२ ऑगस्ट रोजी सकाळी १० वाजेच्या दरम्यान धक्कादायक घटना उघडकीस आली. दिलीप मिजगुळे यांनी कौटुंबिक वादातून पत्नी स्वाती मिजगुळे (अंगणवाडी सेविका) यांना मारहाण करून खून केला आणि त्यानंतर स्वतः गळफास घेऊन आत्महत्या केली असल्याचे प्राथमिक अंदाज पोलिसांनी वर्तविला आहे.सकाळपासून घराचा दरवाजा बंद असल्याने शेजाऱ्यांनी खिडकीतून डोकावून पाहिले असता हा प्रकार समोर आला. घटनेची माहिती मिळताच तालुका पोलीस तसेच शिर्डी उपविभागीय अधिकारी अमोल भारती यांनी घटनास्थळी धाव घेतली.