খুমটাই: খকন্দগুৰিত ৰাইজে শিল্পী জুবিন গাৰ্গৰ সোঁৱৰণত গাঁৱলৈ যোৱা পথটিৰ নাম দিলে 'জুবিন পথ',উদ্বোধন কৰিলে বিধায়ক মৃণাল শইকীয়াই

Khumtai, Golaghat | Oct 5, 2025

খকন্দগুৰিত ৰাইজে শিল্পী জুবিন গাৰ্গৰ সোঁৱৰণত গাঁৱলৈ যোৱা পথটিৰ নাম দিলে 'জুবিন পথ'। দেওবাৰে দিনৰ প্ৰায় ৩ বজাত পথটোৰ আনুষ্ঠানিকভাৱে উদ্বোধন কৰে বিধায়ক মৃণাল শইকীয়াই। উপস্থিত থাকে বিশিষ্ট অভিনেতা অৰুণ হাজৰিকা, আছুৰ কেন্দ্ৰীয় উপ-সভাপতি অভিৱৰ্তন গোস্বামী। মানুহ ভালপোৱা জুবিন গাৰ্গৰ প্ৰতি খকন্দগুৰি গাঁৱৰ ৰাইজে লোৱা অনুপম কাৰ্যসূচীৰ শলাগ লয় বিধায়ক শইকীয়াই। ইফালে প্ৰাণৰ শিল্পীগৰাকীৰ স্মৃতিত পথৰ দুয়োকাষে ৰোপণ কৰা হৈছে নাহৰৰ পুলি।