ઉધના: સુરતના રિંગ રોડ પર દોડતી સિટી બસમાં ભીષણ આગ, મુસાફરોનો આબાદ બચાવ

Udhna, Surat | Aug 21, 2025

સુરત શહેરના રિંગ રોડ પર આજે સાંજે  મુસાફરોથી ભરેલી મનપાની સિટી બસમાં અચાનક આગ ફાટી નીકળતા ભયનો માહોલ ફેલાઈ ગયો હતો. જોકે, સદનસીબે મુસાફરો સમયસર બસમાંથી બહાર નીકળી ગયા હોવાથી કોઈ જાનહાનિ થઈ નથી.સાંજના સમયે રિંગ રોડ પરથી પસાર થઈ રહેલી આ સિટી બસમાં અચાનક ધુમાડા નીકળવાનું શરૂ થતાં મુસાફરો ભયભીત થઈ ગયા હતા. જોકે, સમયસૂચકતા વાપરીને ડ્રાઈવરે તરત જ બસ ઊભી રાખી દીધી હતી. મુસાફરો જીવ બચાવવા માટે બસમાંથી ઉતરીને સુરક્ષિત જગ્યાએ ભાગ્યા હતા.