అదిలాబాద్ అర్బన్: ఆదిలాబాద్ జిల్లాలో కాంగ్రెస్ పార్టీ పటిష్టతకు పాటుపడాలి : పార్టీ శ్రేణులకు మంత్రి సీతక్క పిలుపు

Adilabad Urban, Adilabad | Sep 6, 2025

ఆదిలాబాద్ జిల్లాలో పార్టీ పటిష్టతకు ప్రతి ఒక్కరూ పాటుపడాలని రాష్ట్ర పంచాయతీ రాజ్ గ్రామీణాభివృద్ధి, మహిళా శిశు సంక్షేమ శాఖ మంత్రి సీతక్క పిలుపునిచ్చారు. మహారాష్ట్ర లోని వార్దా లో గల సేవాగ్రామ్ సందర్శనకు వెళ్తూ శ‌నివారం ఆదిలాబాద్ కు విచ్చేసారు. ఈ సందర్భంగా కాంగ్రెస్ పార్టీ అసెంబ్లీ ఇంచార్జి కంది శ్రీనివాస రెడ్డి, కాంగ్రెస్ శ్రేణులు ఆమె కు ఘన స్వాగతం పలికారు. మంత్రి పోలీసుల గౌర‌వ వంద‌నం స్వీక‌రించారు. అనంత‌రం కాసేపు జిల్లా రాజ‌కీయాలు, ప్ర‌భుత్వ సంక్షేమ ప‌థ‌కాలను ప్ర‌జ‌ల్లోకి తీసుకువెళ్ల‌డం, స్థానిక ఎన్నిక‌లు త‌దిత‌ర విష‌యాల‌పై చ‌ర్చించారు.