ସୋର: ଦହିସଡା ନିକଟରେ ଟ୍ରକ ପଛରୁ ପିଟିଲା ବାଇକ, ଦୁଇ ବାଇକ ଆରୋହୀ ଗୁରୁତ୍ତର

Soro, Balasore | Aug 29, 2025

ସୋର ଥାନା ୧୬ ନମ୍ବର ଜାତୀୟ ରାଜପଥ ଦହିସଡା ନିକଟରେ ଏକ ଟ୍ରକକୁ ଧକା ଦେଇ ଦୁଇଜଣ ବାଇକ ଆରୋହୀ ଗୁରୁତର ଆହତ ହୋଇଛନ୍ତି। ସୂଚନା ଅନୁସାରେ ସୋର ଥାନା ଦହିସଡା ପଞ୍ଚାୟତ ସୁଲତାନପୁର ଗ୍ରାମର ତପୁ ମଣ୍ଡଳ ଓ ଉମେଶ ଚନ୍ଦ୍ର ଖଟୁଆ ଏକ ବାଇକ ଯୋଗେ ବାରିକପୁର ହାଟରୁ ଘରକୁ ଫେରୁଥିଲେ। ଏହି ସମୟରେ ୧୬ ନମ୍ବର ଜାତୀୟ ରାଜପଥ ଦହିସଡା ନିକଟରେ ରାସ୍ତା ଉପରେ ଛିଡା ହୋଇଥିବା ଏକ ଟ୍ରକକୁ ପଛରୁ ଧକା ଦେଇ ଉଭୟ ଗୁରୁତର ଆହତ ହୋଇଥିଲେ। ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ସୋର ଡ଼ାକ୍ତରଖାନାକୁ ନେଇ ଥିବା ବେଳେ ସେଠାରେ ଉଭୟଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ କଟକ ସ୍ଥାନାନ୍ତର କରାଯାଇଛି।