అదిలాబాద్ అర్బన్: ఇంద్రవెల్లి మండలంలోని దనోర వద్ద ఘోర రోడ్డు ప్రమాదం, ఐదుగురికి తీవ్ర గాయాలు, ఇద్దరి పరిస్థితి విషమం

Adilabad Urban, Adilabad | Sep 10, 2025

ఆదిలాబాద్ జిల్లా ఇంద్రవెల్లి మండలంలో ఘోర రోడ్డు ప్రమాదం జరిగింది. ప్రమాదంలో ఐదుగురికి తీవ్ర గాయాలు కాగా అందులో ఇద్దరి పరిస్థితి విషమంగా ఉంది. బుధవారం మండలంలోని ధనోర గ్రామం వద్ద ఎదురెదురుగా వస్తున్న రెండు ద్విచక్ర వాహనాలు ఢీకొన్నాయి. ఓ వాహనంపై గుడిహత్నూర్ నుంచి వస్తున్న ఇద్దరు యువకులు, మరో వాహనంపై ఉట్నూరు మండలం ఉమ్రి తండా నుండి ముగ్గురు కుటుంబ సభ్యులు వస్తున్న క్రమంలో ఎదురెదురుగా రెండు వాహనాలు ఢీకొన్నాయి. ఈ ప్రమాదంలో ఐదుగురికి గాయాలు కాగా అందులో ఇద్దరి పరిస్థితి విషమంగా ఉన్నట్లు సమాచారం. గాయపడ్డ వారిని ఆదిలాబాద్ రిమ్స్ కు తరలించారు.