ગોધરા: નવા નદીસર ગામે જમીનના અદાવતે એક ઈસમે એક વ્યક્તિના ઘરે જઈને ઝઘડો કરીને જાનથી મારી નાખવાની ધમકીઓ આપતા ફરિયાદ નોંધાઈ

Godhra, Panch Mahals | Aug 29, 2025

ગોધરા તાલુકાના નવા નદીસર ગામે જમીન વિવાદને લઈ એક ઝઘડાનો બનાવ સામે આવ્યો છે. ગામના રહેવાસી પુરુષોત્તમભાઈ મહેરાએ કાંકણપુર પોલીસમથકે ફરિયાદ નોંધાવી છે કે તેમના ઘરમાં વિજયભાઈ માછી લાકડી સાથે આવીને અપશબ્દો બોલ્યા હતા. પુરુષોત્તમભાઈએ વિરોધ કરતા વિજયભાઈ ઉશ્કેરાઈ ગયા હતા અને તેમને તેમજ તેમના પુત્રને જાનથી મારી નાખવાની ધમકીઓ આપી હતી. આ સમગ્ર મામલે પુરુષોત્તમભાઈએ પોલીસમાં ફરિયાદ નોંધાવતા પોલીસે કાયદેસરની કાર્યવાહી હાથ ધરી છે.