खेड: चाकण येथे दोन वाहनांच्या धडकेत पादचारी गंभीर जखमी

Khed, Pune | Sep 1, 2025

रस्त्याने पायी जाणाऱ्या एका व्यक्तीला दोन वेगवेगळ्या वाहनांनी धडक दिली. या अपघातात पादचारी व्यक्ती गंभीर जखमी झाली. ही घटना रात्रीच्या वेळी चाकण नगर परिषदेच्या हद्दीत वाघे वस्ती येथील पुलावर घडली. या प्रकरणी राजू पोपट परदेशी (४६, वाघे वस्ती, चाकण) यांनी चाकण पोलिस ठाण्यात फिर्याद दिली आहे. दोन वाहन चालकांच्या विरोधात गुन्हा दाखल करण्यात आला आहे.