ద్వారకాతిరుమలలో భారీ కొండచిలువ హల్చల్, కర్రలతో కొట్టి హతమార్చిన స్థానికులు

Eluru Urban, Eluru | Sep 1, 2025

ఏలూరు జిల్లా ద్వారకాతిరుమలలో కొండచిలువ హల్చల్ చేసింది. చివరకు దాన్ని స్థానికులు కర్రలతో కొట్టి హతమార్చారు. భీమడోలు రోడ్డులో మార్కెట్ యార్డ్ సమీపంలో సుమారు పది అడుగుల పొడవు గల భారీ కొండచిలువ సోమవారం తెల్లవారుజామున రోడ్డును దాటుతుంది. ఆ సమయంలో భీమడోలు వైపు నుంచి ద్వారకాతిరుమల వస్తున్న వాహనదారులకు ఆ కొండచిలువ కంటపడింది. దాంతో వారు భయభ్రాంతులకు గురై వెంటనే స్థానికులకు విషయం తెలిపారు. ఎవరి మీదనైనా దాడి చేస్తుందేమోనని భయంతో స్థానికులు వాహనదారులు కలిసి కర్రలతో ఆ భారీ కొండచిలోను కొట్టి హతమార్చారు.