ಕಲಬುರಗಿ: ಜೀವಣಗಿ ಸಂಪರ್ಕ ಸೇತುವೆ ಬಿದ್ದು ಸಂಚಾರ ಸ್ಥಗಿತ, ಜನ ಪರದಾಟ

Kalaburagi, Kalaburagi | Aug 27, 2025

ಕಮಲಾಪುರ-ಜೀವಣಗಿ ಸಂಪರ್ಕ ಕಲ್ಪಿಸುವ ಮಧ್ಯಮಾರ್ಗದ ಸೇತುವೆ ಕುಸಿದು ಬಿದ್ದು ಸಂಚಾರಕ್ಕೆ ತೊಂದರೆ ಆಗುತ್ತಿದೆ. ಕಳೆದ ವರ್ಷ ಸೇತುವೆ ಪ್ರವಾಹದಲ್ಲಿ ಕೊಚ್ಚಿ ಹೋಗಿತ್ತು. ಅಂದಿನಿಂದ ಇಂದಿನವರೆಗೆ ಹೊಸ ಸೇತುವೆ ನಿರ್ಮಾಣ ಕಾರ್ಯ ಸಮರ್ಪಕವಾಗಿ ಜರುಗಿಲ್ಲ. ತಾತ್ಕಾಲಿಕವಾಗಿ ನಿರ್ಮಾಣ ಮಾಡಿದ ಸೇತುವೆ ಕೂಡಾ ಬುದುವಾರ ಪ್ರವಾಹ ನೀರು ಹೊಕ್ಕು ಸೇತುವೆ ಕುಸಿದು ಬಿದ್ದಿದೆ. ಸಂಚಾರ ಸಂಪೂರ್ಣ ಸ್ಥಗಿತಗೊಂಡಿದೆ. ವಾಹನ ಸವಾರರು ಹಾಗೂ ದೈನಂದಿನ ಸಂಚಾರ ನಡೆಸುವ ವಿದ್ಯಾರ್ಥಿಗಳು, ಉದ್ಯೋಗಿಗಳು ಭಾರೀ ತೊಂದರೆ ಅನುಭವಿಸುವಂತಾಗಿದೆ.