देवरी: झाड पडल्याने देवरी आमगाव मार्ग ठप्प बोरगाव वाशीयांनी श्रमदानाने मोकळा केला रस्ता

Deori, Gondia | Aug 24, 2025

देवरी आमगाव मार्गावरील बोरगाव समोरील नवातलाव नजीक आज दिनांक 24 ऑगस्टला सकाळी नऊ वाजे सुमारास रस्त्याच्या कडेवरील एक मोठे झाड कोसळल्याने वाहतूक काही काळ ठप्प झाली होती मात्र प्रशासकीय अधिकाऱ्यांची मदत येण्यापूर्वीच गावकऱ्यांनी एकत्र येत तात्काळ रस्त्यावरील झाड हटवून वाहतूक सुरळीत केली सविस्तर असे की देवरी आमगाव राज्य मार्गावरील सतत होणाऱ्या पावसामुळे जमिनीला ओलावा असल्याने रस्त्याच्या कडेला असलेले मोवईचे एक धोकादायक झाड कोसळले सुदैवाने या घटनेत कोणतीही जीवित अथवा वित्तहानी झाली नाही