This browser does not support the video element.
ସୋର: ଛପୋଲିଆ ପୋଲକୁ ଧକା ଦେଇ ସ୍କୁଟି ଚାଳକ ଗୁରୁତ୍ତର, ସୋର ମେଡିକାଲରେ ଭର୍ତ୍ତି
Soro, Balasore | Aug 1, 2025
ସୋର ଥାନା ୧୬ ନମ୍ବର ଜାତୀୟ ରାଜପଥ ଛପୋଲିଆ ପୋଲ ବାଡାକୁ ଧକା ଦେଇ ଜଣେ ସ୍କୁଟି ଚାଳକ ଗୁରୁତ୍ତର ଆହତ ହୋଇ ସୋର ମେଡ଼ିକାଲରେ ଭର୍ତ୍ତି ହୋଇଛନ୍ତି। ସୂଚନା ଅନୁସାରେ ନୀଳଗିରି ଥାନା ଈଶ୍ୱରପୁର ଗ୍ରାମର ଅଭିମନ୍ୟୁ ମହାନ୍ତି କୌଣସି କାମରେ ଯାଜପୁର ଯାଇଥିଲେ। ରାତିରେ ସେଠାରୁ ଫେରି ସୋରରେ ରଖିଥିବା ସ୍କୁଟି ଯୋଗେ ଈଶ୍ୱରପୁର ଯାଉଥିଲେ।ଜାତୀୟ ରାଜପଥ ସମ୍ପ୍ରସାରଣ କରୁଥିବା ଠିକା ସଂସ୍ଥା ସେଠାରେ ତ୍ରୁଟିପୂର୍ଣ୍ଣ ନିର୍ମାଣ କରିଥିବାରୁ ଅଭିମନ୍ୟୁ ଭାରସାମ୍ୟ ହରାଇ ପୋଲ ବାଡାକୁ ଧକା ଦେଇ ଗୁରୁତ୍ତର ଆହତ ହୋଇଥିଲେ।ଲୋକେ ତାଙ୍କୁ ଉଦ୍ଧାର କରି ସୋର ମେଡ଼ିକାଲରେ ଭର୍ତ୍ତି କରିଥିଲେ।