मिरज: तोतया सीबीआय ईडी अधिकाऱ्यांकडून दोन जणांना ३७ लाखांचा गंडा

Miraj, Sangli | Sep 10, 2025

फसवणुकीचे नवे धक्कादायक प्रकरण सांगलीत उघडकीस आले आहे. स्वतःला अंमलबजावणी संचालनालय (ED) व केंद्रीय गुन्हे अन्वेषण विभाग (CBI) चे अधिकारी असल्याचे सांगणाऱ्या टोळीने सांगलीतील व्यावसायिक आणि एका नोकरदाराला तब्बल 37 लाखांचा गंडा घातल्याचे उघड झाले आहे. याप्रकरणी विश्रामबाग पोलिस ठाण्यात गुन्हा दाखल करण्यात आला असून, पोलिसांनी पुढील तपास सुरू केला आहे.