जळगाव: अजिंठा चौकात प्रवाशाला कारमध्ये बसवून खिशातून लांबविले २२ हजार रुपये; एमआयडीसी पोलिसात गुन्हा दाखल

Jalgaon, Jalgaon | Aug 30, 2025

धुळे येथे जाण्यासाठी बसच्या प्रतीक्षेत उभे असलेले अमोल रमेश बावस्कर (वय ४३, रा. पहूर, ता. जामनेर) यांना कारमध्ये बसवून वादाचा बनाव करीत त्यांच्या खिशातून रोख २२ हजार ५०० रुपये व मोबाईल काढून घेतला. हा प्रकार २५ ऑगस्ट रोजी अजिंठा चौफुली परिसरात घडला. या प्रकरणी शुक्रवारी २९ ऑगस्ट रोजी रात्री ८ वाजता एमआयडीसी पोलिस ठाण्यात अज्ञातांविरुद्ध गुन्हा दाखल करण्यात आला आहे.