ठाणे: घोडबंदर रोडवर 3 गाड्या बंद पडल्याने वाहतूक कोंडी

Thane, Thane | Sep 5, 2025

आज दिनांक 5 सप्टेंबर रोजी दुपारी अडीचच्या सुमारास घोडबंदर रोडवर प्रचंड वाहतूक कोंडी झाली. सलग तीन गाड्या रस्त्याच्या मध्यभागी बंद पडल्याने मोठ्या प्रमाणावर वाहनांची रांग लागली. साधारणपणे एक ते दीड तास वाहनचालकांना प्रचंड अडचणींचा सामना करावा लागला. वाहतूक पोलीसांनी घटनास्थळी धाव घेत गाड्या बाजूला करण्याचा प्रयत्न केला. मात्र गर्दीच्या वेळेत झालेली ही घटना असल्याने कोंडी अधिकच वाढली. मुंबई-ठाणे यांना जोडणारा हा महत्त्वाचा मार्ग असल्याने प्रवाशांना मोठा फटका बसला.