सिंदखेड राजा: सिंदखेडराजा शिवारात रोहीच्या धडकेत दुचाकी वरील एक जण ठार तर १ जण गंभीर जखमी

Sindkhed Raja, Buldhana | Aug 2, 2025

जालन्याहून देवखेडकडे परत येत असताना ३१ जुलै रोजी रात्री सिंदखेड राजा शिवारात रोहीच्या धडकेत दुचाकीस्वार तरुण सतीश गजानन राठोड वय २५ वर्ष यांचा जागीच मृत्यू झाला तर त्याच्यासोबत असलेले दिगंबर आढाव वय ३० वर्ष हे गंभीर जखमी झाले .अपघाताची माहिती मिळताच ठाणेदार आशिष इंगळे व सहकारी पोलिसांनी घटनास्थळी धाव घेऊन मदत केली. पोलिसांनी पंचनामा करून सिंदखेडराजा पोलिस स्टेशनला मृत्यूची नोंद केल्याची माहिती २ ऑगस्ट रोजी सकाळी ७ वाजता पोलीस सूत्रांकडून प्राप्त झाली आहे.