କବିସୂର୍ଯ୍ୟନଗର: ବେଗୁନିଆପଡାରୁ ବିପୁଳ ପରିମାଣର ବାଣ ଜବତ କଲା ବେଗୁନିଆପଡା ପୋଲିସ

Kabisuryanagar, Ganjam | Aug 30, 2025

ବାଣ ତିଆରି କରିବା ହେଉ କିମ୍ବା ବେ ନିୟମ ବାଣ ବିକ୍ରି କରିବା ସମୟରେ ଅନେକ ଅଘଟଣ ଘଟୁଛି । ଏହାକୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ ଏଥିପାଇଁ କଟକଣା ଜାରି କରାଯାଇଛି । ହେଲେ ଏ ସବୁକୁ ବେଖାତିର କରି ବିପୁଳ ଲାଭ ଉଦେଶ୍ୟରେ ଚାଲିଛି ଚୋରା ବାଣ ବିକ୍ରି । ବେଗୁନିଆପଡାରେ ବିଭିନ୍ନ ସାହିରେ ଚୋରା ବାଣ ଗଛିତ ଥିବା ଖବର ପାଇ ବେଗୁନିଆପଡା ଥାନା ଅଧିକାରୀ ଭଗବାନ ପୂଜାରୀଙ୍କ ନିର୍ଦେଶ କ୍ରମେ ଏସ ଆଇ ଜଗଦିଶ ପଣ୍ଡାଙ୍କ ନେତୃତ୍ୱରେ ପୋଲିସ ଟିମ ଚଢ଼ାଉ କରି ତିନୋଟି ଘରୁ ବାଣ ଜବତ କରିଛି ପୋଲିସ । ଏହି ଗ୍ରାମର ଜଗତି ସାହି, କୁମୁଟି ସାହି ଓ ଗୋଲା ସାହିରୁ ଜବତ ହୋଇଛି ।