ସୋର ଥାନା ବାହାନଗା ବଜାରରେ ଥିବା ଏକ ଏଟିଏମକୁ ଭାଙ୍ଗି ଗତକାଲି ବିଳମ୍ବିତ ରାତିରେ ଚୋରି କରୁଥିବା ବେଳେ ପୁଲିସ ଜଣେ ଚୋରକୁ ଥାନାରେ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛି। ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ବାହାନଗା ବଜାରରେ ଥିବା ଇଣ୍ଡିଆ ୱାନ ଏଟିଏମ ନିକଟରେ ଦୁଇ ଜଣ ଯୁବକ ସନ୍ଦେହ ଜନକ ଭାବେ ବୁଲୁଥିଲେ। କୌଣସି ସୂତ୍ରରୁ ଖବର ପାଇ ରାତିରେ ପେଟ୍ରୋଲିଙ୍ଗ କରୁଥିବା ସୋର ଥାନା ଏସଆଇ କେଶବ ବେଶ୍ରା ତୁରନ୍ତ ଘଟଣାସ୍ଥଳରେ ପହଞ୍ଚି ଥିଲେ।ପୁଲିସ ଗାଡି ଦେଖି ଏଟିଏମ ଭିତରେ ପଶି ଚୋରି ଉଦ୍ୟମ କରୁଥିବା ଯୁବକ ଦ୍ବୟ ଦୌଡ଼ି ଖସି ପଳେଇ ଯିବାକୁ ଚେଷ୍ଟା କରିଥିଲେ।