കൊല്ലം: കടവൂരില് ട്രെയിലറിന്റെ ചക്രം കയറിയിറങ്ങി ഭര്ത്താവിനൊപ്പം സ്കൂട്ടറില് യാത്ര ചെയ്ത സ്ത്രീ മരിച്ചു
Kollam, Kollam | Sep 16, 2025
കടവൂരില് വാഹനാപകടത്തില്‍ യുവതി മരിച്ചു. കടവൂര്‍ ബൈപാസ് പള്ളിവേട്ട ചിറ ഭാഗത്ത് ഇന്ന് രാവിലെയായിരുന്നു അപകടം. ശക്തികുളങ്ങര ആയിത്തറ തെക്കതില്‍ രാജേഷിന്റെ ഭാര്യ സജിത ആണ് മരിച്ചത്. ദേശീയപാത നിര്‍മാണവുമായി ബന്ധപ്പെട്ടുള്ള ട്രെയിലര്‍ വാഹനം രാജേഷും സജിതയും സഞ്ചരിച്ച സ്‌കൂട്ടറിനെ മറി കടക്കുമ്പോഴായിരുന്നു അപകടം നടന്നത്. ട്രെയിലറിന്റെ ഒരുഭാഗം സ്കൂട്ടറില് തട്ടുകയും നിയന്ത്രണം വിട്ട സ്‌കൂട്ടര്‍ മറിഞ്ഞ് സജിത ട്രെയിലറിനടിയിലേക്കും വീഴുകയായിരുന്നു. ട്രെയിലറിന്റെ പിന്‍ചക്രം തലയില്‍ കയറിയിറങ്ങി. പരിക്കുകളോടെ രാജേഷിനെ ആശുപത്രിയില്‍ പ്രവേശിപ്പിച്ചു.