ગાંધીધામ: આદિપુર બસ સ્ટેશન સામેથી વ્યક્તિનો મૃતદેહ મળી આવતા ચકચાર
Gandhidham, Kutch | Nov 12, 2025
આદિપુર શહેરના મુખ્ય વિસ્તારમાં આવેલા બસ સ્ટેશનની સામેથી આજે બપોરના અંદાજિત બાર વાગ્યાની આસપાસ એક વ્યક્તિનો મૃતદેહ મળી આવતાં ચકચાર મચી ગઈ છે. ઘટનાની જાણ થતાં જ આદિપુર પીઆઈ એમ.સી વાળા સહિતનો પોલીસ સ્ટાફ તાત્કાલિક સ્થળ પર દોડી આવ્યો હતો અને ઘટનાસ્થળની તપાસ હાથ ધરી હતી. મૃતદેહને તાત્કાલિક પોસ્ટમોર્ટમ અને આગળની કાયદેસરની કાર્યવાહી માટે હોસ્પિટલે ખસેડવામાં આવ્યો છે. મોત કયા કારણોસર થયું તે જાણવા માટેની પોલીસે ઊંડાણપૂર્વક તપાસ શરૂ કરી છે.